Ramhuai kaphur ve ami? by Joseph Chawngthu

RAMHUAI KA PHUR VE AMI ?

Kum 2008 nge 2009 zawk ka hre tawh lo, ka motor in Rental in ka tlan thin a, vawikhat chu Silchar ah min hmang a, min hmangtu te chuan an thlenna tur te an in tih fel a, chaw te kan ei fel meuh chuan 7pm alo ri der tawh, kei Aizawl pan a ho kala tum si, ruah lah chu a tla cherh cherh mai leh nghal tichuan kan buai neuh neuh chhung chuan dar 8 dawn ah silchar atang chuan Aizawl pan chuan ka chhuak thei ta hram, phurh tur kan melh ngial poh in an vang em em leh nghal tichuan keimah chuan ka tlan ta vang vang a, Pathian zar ah ka tlan tluang phian mahse ka tlan chak lem lo bawk a dar 11:30pm vel ah pawh Kolasib ka thleng chho awrh chauh a ni, ruah lah chuan sur tum in a in hrosa nasa em em mai leh nghal, ka rilru te te chuan kolasib ah chuan ka riak daih dawn mawni le ka ti rum rum, mahse ruah sur dawn vang a han riah ringawt chu patling a pumpa ka tlawmngai ve deuh si avang chuan ka tlan ta zel zawka, kawnpui khua ka lut deuh chauh tih ah chuan ruah chu a sur ta, a sur tam ropui si muangchang chuan ka tlan zel tho a, kawng hmuh a har em em mai leh nghal a, ka motor fan chu ON in a windshield chu ka chhem tir a, awm zia a awm thui lo kher mai, darthlalang chu a paw chuai reng tho mai a, kan hru leh thin reilo te ah a ngai ang tho in a paw leh zel si, kawng hmuh a har khop mai, muangchang a tlan reng ta na na na chu Kawnpui dai Bus chetsual na lai chu ka in rin hma in kalo thleng der a, ka hmu phut chu ka phu deuh zawk a, mahse han hlauh chhin eih tur a thil hmuh ka neih loh avang in ka hlau lem lo, tichuan ka pel fel kawng chho chin ka thlen dawn chuan motor khalh pah chuan kuhva te siam in ka sikret te chu ka tan a ka tlan reng tho a, tichuan leh chho ka tlan tan ta tih atang chuan ka motor chu a rit ta tlat mai le, tlan chak lemlo mah ila a kawng en reng reng in 3rd gear in a hnuk zo tur a ka ngaih ah chuan 2nd leh 1st gear lak a ngai chho ta tlat mai, nuamlo kati tawh khawp mai a, hnunglam ka hawi leh zauh zauh thin, engmah ka phur bawk silo, chumai ala nilo, ka motor chhung min hual vel tu boruak chu a vawt ta telh telh mai, a hma boruak nen chuan a danglam ta zar mai, kan hawi let thin hmuh ka nei bawk silo, boruak vawt vur mai leh motor rit tak chuan ka awm chu a ti nuam lo khop tawh mai, rilru tawngtai na kan hmang thin, a reh thei silo… engmah tih theih ka neih silo, ka sepui ruah tuar ngawt ngawt a ni ber e, inti huai ve viau thin kha ka in sawi ang kani talo tawp mai, motor chhung chu vawt viau e ti lo chuan ka thlan fim chu alo tla ve sek mai leh nghal a, km 2 dawn lai ka tlan ang tih ah chuan kawngsir ah vai truck chhia alo ding hlauh mai le, khami tluk a vai truck ka hmuh mawi leh ka thlamuan pui kha a awm tawh kher lo ang, tichuan vai truck hnung ah chuan ka ding a, ka phone lingt chu On in ka chhuk a, ka motor chu kan bel chiang thuak thuak a, engmah danglam na ka hmu lo, zun ram te kan thiar te te a, “ ka nih nih ka ni tawh mai ang” tiin motor ah chuan ka lut leh a, motor ka start kan enchiang vel chu thil hmuh ka nei ta tlat mai, ka au vak trep a ni, ka hnuk tepawh a ti ulh rum rum alawm le, nachin a motor khalh pah a kuhva ka siam ka dah leh tur khan motor AC Button chu ka zuk tawk palh in alo in ON chu lo niin, AC on chung a chho tlan chuan motor chaktha tak anih lem loh chuan thil rit deuh phur ang a tlan loh theih loh tih chu in hreve theuh ang chu, motor chhung boruak te kha engdang vang a vawt ta thut nge tih pawh ka sawi peih tawh lo, ka fimkhur loh luat ah ka khur chhe tep alawm le, khami zan khan tun min hriat pui lo mahse mahni in ka zak chem chem thei alawm le…